కవితా హృదయం ...

ఓ అందమైన భావన .. అక్షరాల సుమ మాల గా కూరిస్తే ఓ కవిత గా రూపు దిద్దుకుంటుంది . ప్రకృతి పరవశమైనా .. చిరుగాలి పులకితమైనా ... మయూరం నర్తించినా .. మేఘం కరిగి వర్షించినా మనసు అందమైన భావనల్లో తేలియాడుతుంది .. నా భావన .. నా ఆలోచన .. నా రచనా శైలి .. మీతో పంచుకుందామని ఇలా కవితా హృదయం
పరిచా .. నచ్చితే ముచ్చట పడండి ..

Monday 25 August 2014

తొలకరిప్రేమ

ఆకాశ వీధి లో అలా .. అందాల చందమామలా .. 

వేసింది లే వలా .. చెలి సన్న జాజిలా .. 

ఘుమఘుమల సౌరభాల జోలలా .. 

మధురోహల సంతకాలలా .. చేసేటి వేళలా .. 

మది వెలుపల వేచి ఉన్నదేమో అతిథి లా .. 

తెరిచెను తలుపులు తలపలా .. ఆహ్వానం తెలుపలా 

అంటూ మనసుకి తెలిపిన వయసు చురుకలా .. 

తానోచ్చే ఓ పరువం లా .. కలిసొచ్చే పరిచయం లా .. 

కమ్మేసే ఆ మబ్బుల్లా .. నే గగనం అయితే తానే నిలువెల్లా .. 

కురిసే పొగమంచుల్లా .. నన్నే దాచేసావే చలికాలపు ఉదయం లా .. 

ఆషాడపు చినుకుల్లా .. వాసంతపు చిగురుల్లా .. 

నువ్వు నాలో ప్రేమని మొలకెత్తించు ఇలా .. 

విరబూసిన హృదయం లా .. వరమిచ్చిన సమయం లా .. 

నువ్వు నన్నే కలిసావే నా ప్రతిబింబం లా .. 

హేమంత తుషారం లా .. అరవిచ్చిన కుసుమం లా .. 

ముద్దోచ్చావే ఆనందానికి ప్రతిరూపం లా .. 

మధుర సంగీతం లా .. ఉరికే జలపాతం లా .. 

నను ఉక్కిరి బిక్కిరి చేశావే తొలకరి ప్రణయం లా ...   

6 comments:

  1. మది రేగిన అలజడిలా ...
    తొలి ప్రణయపు తొలకరిలా ...
    విను వీధిన పయనంలా ...
    కదలాడిన కవనంలా ...

    ఓలలాడించిందలా అలా ...

    బాగుందండి ...
    అభినందనలు ...
    అందుకోండిలా ...

    ReplyDelete
    Replies
    1. ధన్యవాదాలు అండీ .. నా కవిత కి మీ అభినందన మరింత వన్నె తెచ్చిందండీ

      Delete
  2. రాధిక గారు... మీ కవితాక్షరాలు... స్వాతి చినుకులు, ముత్యపు జల్లులు. బాగుంది. ఎన్నాళ్లకు చూసానో మీ బ్లాగు. మీ మెయిల్‌ అడ్రస్‌ మరొక సారి ఇవ్వరా ప్లీజ్‌

    ReplyDelete
    Replies
    1. ధన్యవాదాలు సతీష్ గారూ .. ఏదో అప్పుడప్పుడు విచ్చేస్తున్నట్టు ఉన్నారు .. ఏమైతేనేం మీ కవితా సుగంధాలతో

      పాటు మా బ్లాగ్ కి మీ ఆగమనం కూడా ఆనందమే సుమండీ .. ఆపైన అభినందనలు .. మరింత ఆనందం .

      నా id - radhika.andra@gmail.com.

      Delete